Мария Грациа Кьюри “Fendi” брэндийн шинэ бүтээлч захирлаар эргэн ирсэн тухай тансаг эдлэлийн LVMH корпорацын төлөөлөгч зарлалаа.
61 настай Кьюри 2026 оны намар өвлийн улирлын анхны коллекцоо хоёрдугаар сард Миланы загварын долоо хоногт танилцуулна. Дизайнер 1989 онд Fendi-гээс ажлын гараагаа эхэлж, 10 жилийн турш аксессуарын салбарт ажиллахдаа алдарт багет цүнхийг хамтран бүтээжээ. Дараа нь Пьерпаоло Пиччолигийн хамт Valentino загварын ордонд шилжин ажилласан юм.
2016 оноос 2025 оны тавдугаар сар хүртэл тэрээр Dior-ийн эмэгтэйчүүдийн хувцасны салбарыг удирдаж, энэ албан тушаалыг хашсан анхны эмэгтэй болсон.
Кьюри томилогдсон тухайгаа “Би Fendi-д эргэн ирж байгаадаа баяртай байна. Загварын ордны үүсгэн байгуулагч эгч дүүсийн удирдлаган дор шинэ карьераа эхлүүлж байгаа нь нэр төрийн хэрэг” гэжээ.
