Мюнхений техникийн их сургуулийн дэргэдэх клиник эмнэлгийн эмч нар хүзүүнээс доош хэсэг нь саажсан 25 настай өвчтөний тархинд цахилгаан дамжуулагчуудыг суулгажээ.
Мэс засал таван цагийн турш үргэлжилсэн бөгөөд Европ тивд нугасны гэмтэлтэй хүнд ийм төрлийн мэс засал хийсэн анхны тохиолдол юм.
Өвчтөнд нийт 256 ширхэг бичил электрод суулгасан бөгөөд тэдгээр нь нейроны дохионуудыг бүртгэнэ.
Хиймэл оюун ухаанд суурилсан энэхүү аппарат нь дохионууд ба өвчтөний үе мөчний төгсгөл хэсгүүдийн хөдөлгөөн хоорондын хамаарлыг тогтоож, кодлох юм. Эхний үе шатанд өвчтөн бодол санаагаараа компьютерийн курсорыг хөдөлгөж, хулганаар дохиог сэргээж сурна. Дараагийн шатанд гар утас ба робот гарыг ажиллуулах ажээ.
Мюнхений эмч нар 2022 онд зүрхний шигдээсийн улмаас хэл ярианы чадвараа алдсан эмэгтэй өвчтөний тархинд ийм электрод суулгаж байв. Энэхүү шинэ технологийг хөгжүүлэх тал дээр тэдний гол өрсөлдөгч бол америкчууд юм. 2024 оны нэгдүгээр сард Илон Маскийн Neuralink компани түүхэнд анх удаа хүний тархинд чип суулгасан бөгөөд уг өвчтөн бодол санааны хүчээр төрөл бүрийн гажетуудыг ажиллуулж чадаж байна.
Одоогийн байдлаар Маскийн чипийг 12 хүнд суулгаад байгаа ажээ.
