“Гоодаль” сэтгүүлийн зурагчин Н.Галбадрал сэтгүүлийнхээ есөн жилийн ойг угтаж бие даасан Фэшн үзэсгэлэнгээ гаргах гэж байна. Фэшн зургаар дагнасан үзэсгэлэн урьд нь гарч байгаагүй учраас энэ төрлөөр анхдагч гэж хэлж болох юм. Энэ эхлэл нь дараа дараачийн удаад хөрөг зургаар гаргах үзэсгэлэнгийн хөтөч болох ажээ.
Энэ үзэсгэлэнгээс монголын фото сэтгүүл зүй болон гэрэл зурагчид маань гадаад дотоодын “гялгар” сэтгүүлчдийн зурагчдаас дутахааргүй ур чадвартай болсныг мэдрэх болно. Н.Галбадрал өөрийн үзэсгэлэнгээрээ есөн жилийн хугацаанд авсан зурагныхаа сорыг нээлттэй дэлгэн харуулах ажээ.
Үзэсгэлэн BLUE MOON ART галерейд дөрөвдүгээр сарын 18-22 өдрүүдэд үзэгчдийн хүртээл болно.
www.URLAG.mn
