Казахстанд болж буй “Silk Way Star“ олон улсын шоу уралдаанд дуучин Ж.Мишээл Монгол Улсаа төлөөлөн оролцож буй. Уралдаанд 12 орны шилдэг дуучид өрсөлдөж байна.
Ж.Мишээл уралдааны эхний шатанд оролцогчид үндэсний дуугаар өрсөлдөхөд “Бундан улаан” хэмээх дууг дуулж үзэгч, шүүгчдээс өндөр үнэлгээ авсан. Аравдугаар сарын 5-нд болсон уралдааны дараагийн шатанд Казахстаны алдартай хит дуу болох дуучин Аяугийн “Сыбырлайн” дууг дуулсан юм. Харин аравдугаар сарын 12-нд болсон тус уралдааны дөрөвдүгээр шатанд тэрбээр хятад дуу дуулсан бөгөөд олон орны шүүгчдээс нийт 120 оноо авч, ялагчдын нэг болж байв. Харин тавдугаар шатанд Ж.Мишээл нийлбэр дүнгээр Казакстаны дуучны хамт тэргүүлсэн юм.
Ж.Мишээл “Silk Way Star” олон улсын уралдааны зургаа дахь шатанд “Blackpink” хамтлагийн Lisa, Doja Cat, Raye нарын хамтарсан “Born Again” дууг дууллаа. Тэрбээр зургадугаар шатны дараах нийлбэр дүнгээр 690 оноогоор гуравдугаарт бичигдсэн.
Харин долдугаар шатанд Ж.Мишээл Казахын сонгодог бүтээлийг дуулахдаа Монгол уртын дууны аялгуу оруулан яруу тансаг хоолой, нарийн мэдрэмжээр хүргэсэн байна. Ингэснээр тэрбээр уралдааны хамгийн өндөр оноог авч, тэргүүлж эхлээд байна.
Уралдааны финалын шат арваннэгдүгээр сарын 22-нд болно.
