Хөвсгөл аймгийн сумдын соёлын төвийн бүжгийн багш нарыг чадваржуулах сургалтыг аймгийн бүжгийн холбоо, соёл спорт аялал жуулчлалын газраас хамтран зохион байгуулж, багш нар ур чадвараа дээшлүүллээ.
Хөдөө орон нутгийн иргэдэд бүжгийн соёлыг түгээж яваа багш нарын мэдлэг чадварыг дээшлүүлэхэд анхаарснаар орон нутгийн иргэд ялангуяа бага насны хүүхдийн авъяас чадварыг нээн хөгжүүлэх ач холбогдолтой юм. Сургалтын үр дүнд багш нар бүжиг дэглэх, чөлөөт бүжиг, латин америк болон салса бүжгийн онцлог зэргийг онол дадлага хослон суралцсан байна. Төгсөгчдөд ур чадварын гэрчилгээ олгосон бөгөөд цаашид сурснаа хэрхэн заан сургасан тухай үр дүнгийн гэрээ байгуулан ажиллах гэнэ.
Эх сурвалж: info.mn
