Их Британийн загварын зөвлөлөөс 2025 оны шилдэг модель цолыг Өмнөд Судан гаралтай америк бүсгүй Анок Яйд олгохоор болсноо зарлалаа. Оны шилдэг модель шагнал гардуулах ёслол ирэх арванхоёрдугаар сарын 1-нд Лондонд болно.
Анок Яйг Плимут их сургуульд суралцаж байхад нь нэгэн гудамжны гэрэл зурагчин зургийг нь авч, 2017 онд инстаграмд байршуулжээ. Үүнээс долоо хоногийн дараа Нью-Йоркийн агентлаг түүнтэй гэрээ байгуулсан байна. Өдгөө Анок Яй нь өвөрмөц царай төрхөөрөө “Харь гаригийн гоо үзэсгэлэн”, “Амьд хүүхэлдэй” нэр зүүсэн модель юм.
