Монголын зохиолчдын эвлэлээс жил бүр уламжлал болгон зохион байгуулдаг шилдэг шүлэг шалгаруулах “Болор цом-43” наадам 2025 оны арваннэгдүгээр сарын 26-нд Улаанбаатар хотноо болно.
Наадамд найраг шүлгээ сойх, оролцох хүсэлтэй хэн бүхэн 2025 онд бичсэн, чөлөөт сэдвийн хоёр шүлгээ 2025 оны арваннэгдүгээр сарын 21-ний 18.00 цагаас өмнө МЗЭ-ийн цахим шуудангийн [email protected] хаягаар илгээх буюу Монголын Зохиолчдын ордны 207 тоотод ирүүлнэ.
“Болор цом 43” наадамд сойх бүтээл урьд өмнө ном, хэвлэл, цахим орчинд нийтлэгдээгүй байна.
Наадамд оролцох бүртгэлийн хураамж 30.000 төгрөгийг МЗЭ-ийн ХААН банкны MN64000500-5016754852 Э.Энхлин тоот дансанд нэр, регистр, утасны дугаараа бичин тушааж, баримтыг хавсаргана.
“Болор цом-43” яруу найргийн наадмын эхний шатны дүнг 2025 оны арваннэгдүгээр сарын 22-нд зарлах бөгөөд цомын эзнийг тодруулах сүүлийн шатны шалгаруулалт 2025 оны арваннэгдүгээр сарын 26-нд болно.
Наадмын талаарх мэдээллийг МЗЭ-ийн Яруу найргийн үндэсний төвийн 8884-2471 утсаар болон МЗЭ-ийн цахим хуудас, ажлын албаны 9457-0279, 9915-7788 утсаар лавлах боломжтой.
