Хиймэл оюунд суурилсан хүүхдийн тоглоом “Кумма”-ийн борлуулалтыг “FoloToy” компани хэрэглэгчийн аюулгүй байдлыг хамгаалж шинэчилсний дараа дахин борлуулж эхэллээ.
Уг тоглоом өмнө нь хүүхдэд тохиромжгүй хариу өгөх тохиолдол гарснаар олон нийтийн шүүмжлэл дагуулж, түр хугацаанд худалдаанд гараагүй юм.
“FoloToy” шинэ хувилбарт хүүхдийн хэл яриа, зан төлөвт нийцсэн нарийн хамгаалалтын тохиргоо нэмж, өмнөх доголдлыг үүсгэж байсан үйлдэл горимыг бүрэн засварлажээ.
Компанийн мэдэгдсэнээр, бүтээгдэхүүнд эцэг эхийн итгэлийг нэмэгдүүлэх, хэрэглэгчийн аюулгүй байдлыг нэн тэргүүнд тавих бодлого цаашид ч үргэлжлэх бөгөөд насны ангилал, хэрэглээний зааврыг тодорхой болгожээ.
“Кумма”-ийн шинэчлэл нь хиймэл оюуны тоглоомын салбар хариуцлагатай инновац руу шилжих нэг жишээ болж, хүүхдийн боловсрол, хөгжилд чиглэсэн технологи хэрхэн илүү найдвартай болж болохыг харуулсан үйл явдал боллоо.
