“Converse Japan” брэнд “Netflix”-ийн “Stranger Things” цувралын тавдугаар улирлын нээлтийг угтан гурван сонгодог загварыг багтаасан тусгай коллекцоо танилцууллаа. Коллекцод “Chuck Taylor All Star”, “Weapon”, “One Star” гэсэн “Converse”-ийн алдартай загваруудыг цувралын өнгө аяс, дүрүүд болон поп соёлын элементүүдтэй уялдуулан дахин бүтээжээ.
“Chuck Taylor All Star” загвар нь улаан, хар, ногоон, тоорын ягаан, саарал, хөх зэрэг өнгөний сонголттой бөгөөд принттэй үдээсээр чимэглэгдсэн. Гадна талд нь “Stranger Things” логог байршуулсан бол дотор талд нь “Friends don’t lie” хэмээх алдарт хэллэг болон гол дүрүүдийн нэрсийг бичсэн байна. Хар хөх өнгийн загвар нь шоуны зохиомол WSQK The Squawk радиостанцыг санагдуулам дүрслэлтэй хийгдсэн гэдгээр онцлог.
“Weapon загвар” нь бейж болон ногоон өнгийн арьсан материалаар хийгдсэн бөгөөд хуучирсан мэт эффект оруулж өгчээ. Тус загвар Хоукинс сургуулийн “Tigers” багийн бэлгэ тэмдгийг кет дээр дүрсэлж өгсөн нь загварын онцгой элемент болж өгсөн байна.
Дашрамд дурдахад, “Stranger Things” цувралын эхний бүлэг 2016 онд гарсан бөгөөд 2016–2022 онуудад нийт дөрвөн бүлэг үзэгчдэд хүрсэн билээ. Харин тавдугаар бүлэг нь тус цувралын сүүлийн бүлэг бөгөөд эхний анги өчигдөр цацагдсан даруйдаа үзэгчид болон кино шүүмжлэгчдийн анхаарлыг татаж, өндөр үнэлгээ аваад байна.
