“Levi Strauss & Co.” 1934 онд эмэгтэйчүүдэд зориулсан анхны коллекцоо гаргасан нь нийгмийн хүйсийн дүр төрхийг өөрчлөхөд нөлөөлсөн гэдэг.
1873 оны тавдугаар сарын 20-нд Жэйкоб Дэвис, Ливай Страусс нар тавтай жийнсний патентыг батлуулснаар дэлхийн жийнсний салбарын суурийг тавьжээ. Уурхайчдад зориулан бүтээсэн энэхүү өмд нь 150 жилийн хугацаанд дэлхий нийтийн соёл, загварын бэлгэдэл болж, өдгөө 101 тэрбум ам.долларын зах зээл бүхий хүчирхэг салбар болон хувирсан байна.
Судлаач Сонья Абрего үүнийг амьдралын хэв маягийн өөрчлөлт, орлогын өсөлттэй холбон тайлбарласан ба Америкийн загварын ардчилагч болж, барууны соёлыг дэлхийд таниулах экспортын суурь болсныг тэмдэглэжээ.
Дэлхийн хоёрдугаар дайны дараа чөлөөт хувцасны эрэлт өссөнөөр жийнс бүх нийтийн өдөр тутмын хэрэглээ болж түгэв. Компанийн архивын ажилтан Трэйси Панекын онцолсноор, бүтээгдэхүүнээ өөрсдөө үйлдвэрлэх шийдвэр нь чанарын баталгаа болж, хэрэглэгчдийн итгэлийг нэмэгдүүлсэн түүхэн алхам байжээ.
Хамгийн сүүлд гэхэд л “Levi Strauss”, “Gap”, “American Eagle’ зэрэг томоохон брэндүүд алдартнуудтай хамтран Z үеийн хэрэглэгчид рүү чиглэсэн маркетинг хэрэгжүүлсэн.
“American Eagle” брэнд Сидни Свини болон спортын од Трэвис Келс нарыг оролцуулсан сурталчилгаагаар шинэ хэрэглэгчдийг татжээ.
“Levi Strauss” 2024 оны санхүүгийн тайланд 200 сая ам.доллар, “American Eagle “35 сая ам.доллартой тэнцэх зардлыг сурталчилгаанд зарцуулсан байна.
Мэргэжилтнүүдийн үзэж буйгаар, борлуулалтын өсөлт нь зөвхөн маркетингийн үр дүн бус, хэрэглэгчдийн шинэ үеийн хандлагад нийцсэн контент боловсруулсантай холбоотой гэжээ.
