“Оюунлаг” продакшны бүтээл “Хүүгүй ломбард” инээдмийн уран сайхны киноны албан ёсны треллер цацагдлаа. Залуу найруулагч Д.Отгонбаяр, Г.Сэр-Од нарын хамтран найруулсан энэхүү киноны зохиолыг зохиолч Ж.Оргил бичжээ. Тэрбээр өмнө нь “Валентины захидал”, “Зүүдэнд ч оромгүй явдал” зэрэг киноны зохиолыг бичиж байсан билээ. Харин киноны гол дүрд “Эмоци” продакшны жүжигчин Г.Анхбаяр, “Маск” продакшны жүжигчин Э.Алдар, залуу жүжигчин Э.Мөнхсоёл нар тоглож байгаа юм.
“Хүүгүй ломбард” кинонд залуусын нөхөрлөлийн үнэ цэнийг харуулах юм. Жинхэнэ хар багийн анд найз гэдэг ямар байдгийг энэ киноноос үзэж, мэдэрч болно гэдгийг уран бүтээлчид нь амлаж байгаа юм. Анхаа, Алдар хоёрын нөхөрлөл хэрхэн өрнөхийг та тун удахгүй “Хүүгүй ломбард”-наас үзээрэй.
www.URLAG.mn
