NBA-ын тоглогч асан домогт Коби Брайантын өмсөж байсан “Nike” брэндийн “Grinch” загварын пүүзийг дуудлага худалдаанд оруулахад бэлдэж, Калифорни мужийн Беверли Хиллс хотод байрлуулжээ.
Уг пүүзийг Коби Брайант 2010 оны 12-р сарын 25-нд “Майами Хит” багтай тоглохдоо өмсөж байжээ. Коби Зул сарын баярын тоглолтод уг пүүзийг өмссөнөөс хойш “Nike”-ын “Grinch” загварын пүүзний борлуулалт эрс ихсэж, Зул сарын баяраар өмсөх хамгийн алдартай пүүзний нэг болж байсан юм.
“Joopiter” компанийн борлуулалт хариуцсан захирал Кэйтлин Донован Коби Брайантын гарын үсэгтэй уг пүүзийг дор хаяж 10 сая ам.доллар хүрнэ гэж бодож байгаагаа илэрхийлсэн байна.
