Үндэсний эрх чөлөө, тусгаар тогтнолоо сэргээн мандуулсны 114 жилийн ойг тохиолдуулан Монгол Улсын Төрийн далбааны өнгөөр Сэмюэл Бекетт гүүрийг энэ сарын 29-нд гэрэлтүүлэв.
Монгол Улсаас Бүгд Найрамдах Ирланд Улсад хавсран суугаа Элчин сайдын яам, Ирланд Улсын Дублин хотын захиргаатай хамтран уг ажлыг зохион байгуулав.
Монгол Ирланд Улс хооронд 1998 оны арванхоёрдугаар сарын 22-нд дипломат харилцаа тогтоосон. Өнөөдрийн байдлаар, тус улсад манай улсын 5800 гаруй иргэн ажиллаж, амьдарч, суралцаж байна.
