Roblox чат ашиглахад заавал нас баталгаажуулах шинэ зохицуулалт нэвтрүүллээ.
Сельфи дээр суурилсан нүүр царайгаар нас таамаглах технологийг ашиглах юм байна. Хувийн мэдээллийн аюулгүй байдлын үүднээс сельфиг боловсруулсны дараа шууд устгана гэж тайлбарлав.
13 ба түүнээс дээш насныхан хүсвэл бичиг, баримтаар баталгаажуулах нэмэлт сонголтыг ашиглах боломжтой. 9 наснаас доош хэрэглэгчдийн чат хаалттай байх бөгөөд эцэг, эхийн зөвшөөрөл, нас баталгаажуулалтын дараа нээгдэх боломжтой.
Хэрэв хэрэглэгчийн зан төлөв мэдүүлсэн наснаас зөрвөл дахин баталгаажуулалт шаардана. “Roblox Corporation” энэхүү зохицуулалтаар чат орчны хяналтыг чангатгана гэж мэдэгдлээ.
