Соёл, спорт, аялал жуулчлал, залуучуудын яамны удирдлагууд салбарын бодлого, стратегийн зорилтыг танилцуулав.
Томилолтын хүрээнд тус аймаг дахь Соёл, урлаг, аялал жуулчлал, залуучуудын газар болон Биеийн тамир, спортын газар, тэдгээрийн харьяа байгууллагуудын үйл ажиллагаатай танилцаж, нийт албан хаагчид болон мэргэжлийн холбоодын төлөөлөлтэй уулзалт зохион байгууллаа.
Уулзалтаар салбарын өнөөгийн нөхцөл байдал, хэтийн зорилго, хэрэгжүүлж буй бодлого, хөтөлбөр, үйлчилгээний хүртээмж, цаашдын хөгжлийн чиг хандлагын талаар санал солилцож, тулгамдаж буй асуудлуудыг тодорхойлон хэлэлцлээ.
Мөн соёл, урлагийн салбарт олон жил идэвх зүтгэл, үр бүтээлтэй ажилласан, ажил хөдөлмөрөөрөө манлайлсан албан хаагчдыг “Соёлын тэргүүний ажилтан”, “Тэргүүний ардын авьяастан” цол тэмдэг болон яамны жуух бичгээр шагнаж урамшууллаа.
Томилолтын үеэр Өлзийт сумын Соёлын төвийн үйл ажиллагаатай танилцаж, соёлын өвийг өвлөн уламжлагчидтай уулзлаа.
