“Тагтаа” хэвлэлийн газрын ээлжит шинэ ном, бэсрэг өгүүллэгийн өнөө цагийн нэрт мастер Этгар Керетийн өгүүллэгийн түүвэр монгол хэлт уншигчдад хүрлээ.
Этгар Керет Изриал-Польшийн зохиолч бөгөөд 1967 оны наймдугаар сарын 20-нд Рамат-Ган хотод Дэлхийн II дайны үед нацистуудын бөөнөөр хорих лагериас амьд гарч чадсан польш хосын гурав дахь хүүхэд болон төржээ. Амьдралын түмэн өнгө хийгээд олон далайцтай сэдвийг инээд хоржоон, ёгтлол егөөдөл, уран сэтгэмжээр сүлэн асар бага орон зайд багтааж чаддагаараа алдартай.
Өгүүллэгүүдээс нь сэдэвлэсэн богино хэмжээний 60 гаруй кино бий. Түүний бүтээлүүд дэлхийн 48 орны хэлээр орчуулагджээ.
