Аймгийн музейн сан хөмрөгийг баяжуулах төлөвлөгөөний дагуу энэ оны анхны сан хөмрөгийн баяжилт хийжээ.
Аймгийн музейн Байгалийн танхимд чоно, цагаан зээр, хур шувууны чихмэлийг шинээр хийж, үзүүлэн болгосон байна. Ингэснээр Байгалийн танхимын амьтны нэр төрлийг нэмж, хүүхэд багачууд болон үзэгчдийн сонирхлыг татах шинэ содон үзмэрүүдтэй болжээ.
Музейн стандартад нийцсэн эдгээр үзмэрийг шувуу судлаач, чихмэлчин Д.Отгонсайхан урлажээ.
Тэрбээр өнгөрсөн жил аймгийн Музейд цоохор ирвэсийн чихмэл урлаж өгч байсан юм.
