Владимир Набоковын “Пнин” роман иун удахгүй уншигчдад хүрнэ.
Владимир Набоковын олон бүтээлд харагддаг адармаатай бүтэц, адгуу хүслийг өдөөх оюун ухааны тоглоом, уншигчийнхаа ёс суртахуун, тэсвэр тэвчээрийг сорих арга барилаас ялгаатай нь “Пнин” аядуу зөөлөн, хүний сэтгэлд ойр, энэрэнгүй бүтээл юм.
Эмгэнэл ба инээдмийн төгс хослол нь энэхүү романы төдийгүй угаас Владимир Набоковын бичлэгийн онцлог гэдгийг уншигчид андахгүй. Зохиолд Пниний гадаад төрх, хэл яриа, эв дүйгүй үйлдлүүдийг тун инээдэмтэйгээр дүрсэлдэг ч энэхүү элэглэл нь доог тохуу гэхээсээ илүү өрөвдөх сэтгэл, хүний хувь тавиланг ойлгох хүсэлд хөтөлдөг. Энэ бол нэг хүний амин хувийн асуудал бус эх орон, хэл соёлоо алдсан хүмүүний нийтлэг эмгэнэл билээ.
