Жил бүр зохион байгуулдаг “Source Fashion-2026” олон улсын хувцас загварын үзэсгэлэн, экспо Лондон хотноо энэ сарын 13-15-нд боллоо.
Тус үзэсгэлэн худалдаа хувцас загвар, үйлдвэрлэлийн салбарын томоохон үйл ажиллагаанд тооцогддог байна. Үзэсгэлэн худалдаанд энэ удаа нийт 25 улсын 250 гаруй компанийн төлөөлөл, 3200 гаруй худалдан авагч компаниуд оролцсоныг Монголын ноос ноолуурын холбоо мэдээлэв.
Үзэсгэлэнгийн хүрээнд хувцас загварын чиг хандлагыг харуулсан загварын тайзны үзүүлбэр, олон улсын брэндүүдийн танилцуулга болов. Тус үзэсгэлэнд Монгол Улсаас “Ханбогд Кашимер” ХХК оролцож, ноос, ноолууран бүтээгдэхүүнээ олон улсын зах зээлд танилцуулан оролцжээ.
Энэхүү олон улсын үзэсгэлэн худалдаа нь үйлдвэрлэгчид, бараа бүтээгдэхүүний ханган нийлүүлэлтийн сүлжээний төлөөлөл, загвар зохион бүтээгчид, брэндүүд болон худалдан авагчдыг нэг дор холбодгоороо ач холбогдолтой юм.
