Жорж Мартины “Долоон ханлигийн морьтон баатар” ном монгол хэлт уншигчдад хүрчээ. Тус номын зохиолоор хийсэн HBO сувгийн цуврал бүтээлийн эхний анги цацагдаад удаагүй байгаа билээ.
Энэхүү бүтээл нь хаадын тэмцэл, луу, сүрлэг дайн тулаанаас илүүтэй хүлэг баатрын ёс суртахуун гэж юу вэ, нэр төр, шударга ёс, хүч чадал, хариуцлага хэрхэн цагийн саалтыг давж, шалгагддаг вэ гэсэн асуултад төвлөрдөг.
Данк бол бусдын адил төгс баатар бусаас гадна алдаа гаргана, эргэлзэнэ, буруу сонголт ч хийж магадгүй. Гэвч тэр зөв гэж итгэсэн зүйлээ хамгаалахын төлөө зогсож чаддагаараа жинхэнэ хүлэг баатрын мөн чанарыг илэрхийлдэг.
“Долоон ханлигийн морьтон баатар” номын үйл явдал нь Вестеросын ертөнцийг илүү хүмүүний, илүү ойрын, илүү бодит өнцгөөс харуулж, “Хаан ширээний тоглоом” цуврал зохиолын фенүүдэд танил түүхэн орчныг шинэ мэдрэмжээр нээж өгнө. Мөн уг цувралыг огт уншаагүй шинэ уншигчдад ч бие даан уншихад тохиромжтой юм.
Энэ бол адал явдал, нөхөрлөл, ёс суртахууны тухай дулаан атлаа гүн утга агуулгатай бүтээл мөн.
