Яруу найрагч Абай Кунанбаевийн “Билиг сургаал” ном монгол хэлээр хэвлэгдэн гарчээ.
Казахын ард түмний суут яруу найрагч, соён гэгээрүүлэгч, хөгжмийн зохиолч, орчуулагч Абай Кунанбаевийн “Билиг сургаал” ном нь түүний сургамжит 45 өгүүлэл болон 46-р өгүүлэл хэмээгддэг “Казахуудын уг үндэс хаанаас гарсан тухай хэдэн үг” бүтээлийг эмхэтгэж монгол хэлнээ орчуулан, тайлбартай нь хамт хэвлүүлэн гаргажээ.
Уг бүтээлийг казах хэлнээс монгол хэлэнд Базылханы Напил, Лувсангийн Батбаяр нар орчуулжээ.
Тус номыг казах хэлнээс монгол хэлэнд бүрэн хөрвүүлж, казах хэл дээрх эхийн хамт хос хэлээр хэвлэн гаргасан нь онцлог бүтээл болсон байна.
Абай Кунанбаевийн бүтээлүүдэд шашин, уламжлал, орчин үеийн шинжлэх ухааны үзэл хоорондоо нийцэн оршиж, хүнийг зөв амьдрахад хөтлөх зам мөрийг голчлон зааж өгдөг ажээ.
