“Амьдралаа би чамд хайртай” хэмээх дуугаараа олноо алдаршсан, МУГЖ дуучин Э.Бүрнээбаяр сүүлийн үед нам гүм амьдрах болсон. Тэрбээр уран бүтээлээсээ түр завсарлага авсан бөгөөд өнгөрсөн хугацаанд эрүүл зөв амьдрах клубт явж, бясалгалаар хичээллэх болсон гэнэ.
Амьдралынхаа дөрвөн жилийн хугацааг тэрбээр эрүүл хооллолтын клубт зарцуулсандаа эдүгээ ихэд сэтгэл хангалуун байгаа аж. Харин дуучин бүсгүйгийн сэтгэлийг сүүлийн үед нэгэн зүйл ихэд эмзэглүүлэх болжээ. Учир нь түүнийг уран бүтээлээсээ хөндийрч, архинд орсон хэмээн сонин хэвлэлээр бичих болсонд тэрбээр сэтгэл эмзэглэх болсон байна. Архины харшилтай тул согтууруулах ундаа огт амсдаггүй түүний амьдралыг мэдэхгүй байж сонин хэвлэлээр гүтгэж байгаад нь тэрбээр гомдсон байна.
Эх сурвалж: www.mminfo.mn
