УДЭТ-ын уран бүтээлчид Оросын нэрт зохиолч Лев Толстойн “Анна Каренина” романаас сэдэвлэсэн ижил нэрт жүжгийг 2020 онд Монголын үзэгчдэд анхлан хүргэж байв.
Тэгвэл хоёр бүлэг, 23 үзэгдэлт уг жүжгийг хоёрдугаар сарын 11-нээс эхлэн дахин толилуулж буй.
Харин энэ удаа “Анна Каренина” жүжгийн Анна (Хувь заяа)-гийн дүрд ОХУ-ын алдарт жүжигчин Алёна Юрьевна Байбородина (Буриад Улсын Гавьяат жүжигчин) тоглож байна.
Жүжигчин Алёна Юрьевна Байбородина нь Ф.М.Достоевскийн “Гэм зэм” жүжгийн Дуня, А.Н.Островскийн “Мэргэн хүнд мунхаглал бий” жүжгийн Глафира Глумова, С.Лобозеровын “Байгалийн энгэрт өрнөх бяцхан жүжиг”-ийн Купавина зэрэг дүрүүдэд тоглосон туршлагатай жүжигчин юм.
