Ээж ээ,
Сансрын нисгэгч болно гэж би мөрөөдөхөө болилоо.
Саяхнаас би нэг л зүйл боддог боллоо.
Миний амьдралд нэг л том зовлон байна.
Ээж ээ,
Ахыг та хүний бүсгүй үрийг хайрлаач гэж гуйх юмаа
Ааваас хүртэл та өөрийгөө хайрлаад өгөөч гэж хүсэх юмаа
Хүйтэн шөнөөр хүртэл босоод суух юм. Та
Хүний үрийг хөөрхий, өөрийгөө бас өрөвдөж уйлах юм аа.
Ээж ээ,
Ахын их сургуульд амьтан ургамалын хичээл шиг
Авгайгаа судлах хичээл байдаггүй юм байна.
Ахаас би асуусан. Алуулчих шахсангүй.
Амаа тат. Тийм юм байхгүй гэлээ.
…
Ээж ээ, Миний амьдралд нэг л зүйл их хэрэг болох нь…
Эхнэрээ хайрлах тийм эрдэм номонд л одооноос суралцмаар байна.
Ийм эрдэм номын сургууль танхим хаа байна вэ?
Эгшиг үсэг гэхээс илүү их өөр юм их хэрэгтэй байгаад байна.
Эгчийг хар даа та!
Эгшиг гийгүүлэгчийг надад зааж байна л даа.
Элдвээр намайг аргалаад бичүүлж байна л даа.
Гэхдээ эгч ганцхан зовлонтой.
Гэрлэдэггүй.
…
Ээж,
Эмч ер нь ямар вэ?
Түргэн тусламжийн тэргээр гэр лүүгээ явах..?!
Түргэн очиод үнсэж, хайрлаад, асарч халамжлах..?!
Ээж ээ,
Би нэг л зүйл боддог боллоо.
Би хайрын сургуульд сурмаар байна. Хаана байна вэ?!
Энэ л эрдмийг би сурчихвал эхнээс нь бүгдийг хайрлаад
Их том зовлонг эдлэхгүй юм шиг байна.
Ээж та бас надаас болж ер уйлахгүй шүү дээ!
www.URLAG.mn
