Алтан хальс” холбооноос зохион байгуулсан “Алтан хальс” олон улсын андерграунд кино наадам өнгөрсөн амралтын өдөр Соёл урлагийн их сургуулийн “Оюутан” театрт болж өнгөрлөө.
Кино наадмын албан ёсны буюу гадаадын том уран бүтээлчдийн киног албан ёсоор гаргах хэсэгт таван бүтээл, уралдаант бус хэсэгт дөрвөн бүтээл, уралдаант хэсэгт 33 бүтээлийг толилуулсанаар уг наадам өндөрлөсөн.Нийт 33 бүтээл уралдаант хэсэгт өрсөлдсөнөөс таван бүтээл шагналын эздээр тодорч Гранпри шагналын эзэн уран бүтээлч тодорсон юм. Тус наадмын шүүгчдийн бүрэлдэхүүнд С.Бямба найруулагч, ерөнхий шүүгчээр, зохиолч Г.Аюурзана, зураач Ё.Далх-Очир, “Алтан хальс” холбоог үндэслэгч Ш.Ихбаяр, “Гоодаль” сэтгүүлийн эрхлэгч А.Амармэнд нар ажилласанаас гадна онлайн шүүгчээр Америкийн андерграунд киноны төлөөлөгч Амос По ажилласан билээ.
Ингээд шагналын эздийг танилцуулъя.
- Шилдэг анимаци: “Метроном” бүтээлээр С.Маргад тодорсон. Шүүгчид видео клип төрөлд шаардлага хангахуйц бүтээл ирээгүй гэж үзсэн бөгөөд Ipod 64 GB шагналын шилдэг анимаци төрөлд шалгарсан “Метроном” бүтээлийн эзэн С.Маргадад гардуулав.
- Шүүгчдийн нэрэмжит шагнал: “0” бүтээлээр Э.Гантөмөр.
- Шилдэг хүрнэлт кино: “Төгсгөлгүй” бүтээлээр Б.Төвшинтөгс
- Шилдэг хүүрнэлт бус кино: “Даяаршил” бүтээлээр Г.Эрдэнэжаргал
- Алтан хальс Гранпри : “Цонх” бүтээлийн уран бүтээлч Б.Бат-Эрдэнэ тодорч “Алтан хальс” цомын эзэн болж, нэг сая төгрөгийн хамт гардан авлаа.
