Уран бүтээлч Б.Хүрэлбаатар анхны бие даасан “Нар цэцэг” үзэсгэлэнгээ “Б контемпорари арт галерей”-д толилуулж байна.
Үзэсгэлэнд тосон будаг, акрилк болон усан будгийн техникээр бүтээсэн, өнгө зохиомжийн сонирхолтой шийдэл бүхий 40 гаруй бүтээл дэлгэжээ. Байгаль дахь нэгэн цэцгийг дүрслэхээс илүүтэй харанхуйн дундаас гэрэл рүү тэмүүлэх хүний дотоод ертөнц, амьдрах хүслийн бэлгэдэл болгон үзэсгэлэнгээ “Нар цэцэг” хэмээн нэрлэсэн байна.
Тиймээс үзэсгэлэнгийн бүтээлүүдэд гоо сайхныг төгс дүрслэхээс илүүтэй амьд үлдэх, босох, гэрэлд хүрэх гэсэн хүний дотоод тэмцлийг илэрхийлжээ. Барзгар фактур, хурц тод өнгө, давхарласан бийрийн мөр бүр нь сэтгэлийн зөрчил, шаналал төдийгүй итгэл найдварын ул мөрийг мэдрүүлнэ. Наранцэцэг бүр даван туулсан нэгэн сорилтыг санагдуулах бол иш, навчис нь тэсвэр хатуужлыг бэлгэдэж байгаа аж.
Тус үзэсгэлэнг энэ сарын 29-нийг хүртэл олны хүртээлд дэлгэх юм.
