Хүүхдийн хөлбөмбөгийн клубуудын 39 дэх удаагийн Gothia Cup тэмцээнд манай улсын хөвгүүд амжилттай оролцож буй сайхан мэдээг бид дуулгасан.
Манай улсаас 12 болон 16 настай хөвгүүдийн баг оролцож, 12 насны ангиллынхан хасагдсан.
Харин 16 насны ангилалд тоглож буй манай улсын хөвгүүд Германы багийг 0-2, Шведийн багийг 0-4 харьцаатайгаар хожин "Б" плэй оффын шилдэг наймд үлдсэн.
Тэд өчигдөр орой 21.30 цагт Норвегийн багтай тоглон мөн л 3-1 харьцаатайгаар хожиж Б бүсийнхээ шилдэг 4-т шалгарчээ.
Улмаар өнгөрсөн шөнө 02:15 цагаас Б бүсийн хагас шигшээд талбайн эзэн Шведийн клубтэй тоглон, 2-0 харьцаатайгаар хожигдон тэмцээнээ өндөрлөжээ.
Хэдийгээр энэ жилийн тэмцээнээс хасагдсан ч хурд хүч, авхаалж самбаатай сайхан тоглолт гаргалаа хэмээн хөлбөмбөг сонирхогчид онцолж байсан юм.
Ирэх жилийн тэмцээнд улам их амжилт гаргахыг хүсэн ерөөе.
Эх сурвалж : Р.Адъяасүрэн | GoGo.mn
