Монгол киноны 80 жилийн ойг угтан найруулагч О.Машбат хүү Ивээлийнхээ хамт хийж байгаа “Цэн тогоруу” уран сайхны киноны зураг авалт ид явагдаж байна. Энэ кино нь хайр дурлал, гэгээн мөрөөдөл, хүнлэг ёсыг өгүүлэх бөгөөд маш ээдрээтэй хурц үйл явдалтай кино гэнэ.
Киноны багт Төрийн шагналт яруу найрагч Ц.Бавуудорж, авъяаслаг хөгжмийн зохиолч Ш.Өлзийбаяр, “Bro’s records студийн Томоо буюу М.Болд, Равсал панз – МУГЖ Б.Магсаржав, АЖ Д.Мэндбаяр залуу жүжигчин Э.Идэрболд, Ц.Оюун-Эрдэнэ гээд олон сайхан уран бүтээлчид багтжээ. Ирэх намар нээлтээ хийхээр төлөвлөсөн энэхүү киног МУГЖ Н.Батцэцэгийн хүү М.Ивээл аавтайгаа найруулж байна. М.Ивээл хар багаасаа кинонд ойр өссөн бөгөөд “Зүүдэнд ирсэн хонгорхон ижий”, ” Цагаан сүүний домог”, “Вансэмбэрүү” кинонуудын гол дүрд тоглож байсан билээ.
Тэрээр АНУ-д кино найруулагч мэргэжил эзэмшээд саяхан эх орондоо ирсэн бөгөөд маш авъяастай, хурц сэтгэдэг нэгэн гэнэ. ОДоогоор “Цэн тогоруу” киноны дуу бэлэн болжээ. Уг киноны дууг дуучин П.Идэржавхлан дуулж, үзэгчдэд хүргэсэн байна.
www.URLAG.mn
