“Emotion” хамтлаг шинэ уран бүтээлээ сонсогчдод хүргэж буйгаа танилцууллаа. “Зав алга” хэмээх шинэ дууны аяыг Урлагийн гавьяат зүтгэлтэн Б.Чинбат болон хамтлагийн гишүүн Э.Ганболор нар хамтран зохиосон бол үгийг “Toonot” рекордсын уран бүтээлч O.Z буюу Э.Золбоо бичжээ.
“Зав алга₮ шинэ бүтээл нь эмэгтэй хүн өөрийгөө үнэлж, хайрлаж чадсанаар аз жаргалтай амьдралын үндэс бүрддэг гэх санааг гол агуулгаа болгосон байна. Мөн өөрийгөө үнэгүйдүүлэхгүй байх, эмэгтэйчүүдийг зоригжуулах, хайрлах мэдрэмж төрүүлэхийг зорьсноороо онцлогтой аж.
Дууны клипийг “Curves” энтертайнмент бүтээж, найруулагчаар Д.Баасанжаргал ажилласан байна. Харин нүүр будалт, стилистээр “Scuti professional team”, “Tuka’s Hair Salon”, загварын хамтрагчаар “ADL – Mongolia” оролцжээ.
“Emotion” хамтлаг өмнө нь “UB is My Heart”, “Нандин”, “Дуулъя” feat. Tsetse зэрэг уран бүтээлүүдээ олонд хүргэсэн бөгөөд энэ онд “Зав алга” зэрэг шинэ дуу болон анхны цомгийн зарим бүтээлээ шинэчилсэн хувилбараар хүргэхээр ажиллаж буйгаа онцоллоо.
