“Disney+” компани үзэгчдийн дунд маш их хүлээлт үүсгээд буй “Moving” цувралын хоёрдугаар бүлгийн зураг авалт эхэлснийг албан ёсоор зарлалаа.
Хоёрдугаар бүлэгт Рю Сын Рён, Гү Юн Жон, Хан Хё Жү, Жо Ин Сүн зэрэг үзэгчдийн дуртай жүжигчид эргэн ирэх нь батлагдлаа. Цувралыг “Kingdom” киноны найруулагч Ким Сон Хун найруулж буй аж.
“Moving” цувралын хоёрдугаар бүлэгт дүрүүд гэр бүлээ хамгаалахыг хичээж буй тухай өгүүлэх бөгөөд ирэх 2027 онд үзэгчдэд хүргэх юм байна.
Эргэн сануулахад, супер хүчээ нууцалсан энгийн мэт ахлах сургуулийн сурагчид, өөрийн чадвараа ашиглан хайртай хүмүүсээ хамгаалах эцэг эхчүүдийн тухай өгүүлсэн “Moving” цувралын эхний бүлэг 2023 онд үзэгчдийн хүртээл болж, олон улсын “Critics Choice awards”-ын гадаад хэлээрх шилдэг цувралд нэр дэвшиж, Өмнөд Солонгосын “Baek Sang Art Awards”, “Blue Dragon Awards”-ын гранпри шагнал хүртэж байв.
