Одоогоос 45 жилийн өмнө “Индиана Жонс: Алдагдсан авдарны эрэлд” (“Indiana Jones: Raiders of the Lost Ark”) кино дэлгэцнээ гарч байв. Найруулагч Стивен Спилберг, Жорж Лукас нарын хамтран бүтээсэн уг бүтээл тухайн үедээ хамгийн их ашиг орлого олсон кино болж, үзэгчдийн хайрыг асар ихээр татсан юм. Үүний зэрэгцээ гол дүрийг бүтээсэн Америкийн жүжигчин Харрисон Форд дэлхий даяар маш их алдар нэртэй болсон билээ. Гэвч энэхүү нэр алдар огт өөр уран бүтээлчид очих боломжтой байсан гэнэ.
Тодруулбал, найруулагч Стивен Спилберг, Жорж Лукас нар археологич Индиана Жонсын дүрд Том Сэллекийг тоглуулахаар шийдээд байжээ. Гэвч тухайн үед Том Сэллек “CBS” сувгийн “Хувийн мөрдөгч Магнум” (“Magnum, P.I.”) цувралд тоглож байсан бөгөөд тус сувгийн удирдлагууд жүжигчнийг Индиана Жонсын кинонд тоглуулахаар явуулахаас татгалзсан байна.
Ингээд Стивен Спилберг, Жорж Лукас нар гол дүрийн жүжигчний эрлээ цааш үргэлжлүүлж, үүний үр дүнд Харрисон Фордыг олж, тоглуулсан түүхтэй.
