Жүжигчин Ким Су Хёны “Goldmedalist” агентлаг өнөөдөр /2026.06.08/ “Ким Су Хён долдугаар сарын 14-нд Филиппиний “Bench” брэндийн сурталчилгааны зураг авалтад оролцоно” хэмээн мэдэгдэв.
Энэ нь эмгэнэлтэйгээр амь насаа алдсан жүжигчин Ким Сэ Ронтой насанд хүрээгүй байхаас нь үерхэж байсан гэсэн худал мэдээллээс үүссэн хэрэг явдлаас хойшхи Ким Су Хёны анхны ажил болж байна.
Одоогоор Ким Су Хёныг санаатайгаар гүтгэж, маш олон удаа хуурамч мэдээлэл тараан, нэр хүндийг ноцтой гутаасан “Garosero Research Institute” хэмээх юүтүүб сувгийн блогчин Ким Се Ыйг баривчлагдаад буй.
Дээр дурдсан хэргээс болж Ким Су Хёныг сурталчилгааны нүүр царай болгож байсан ихэнх брэндүүд гэрээгээ цуцалж буйгаа зарласан бөгөөд өнгөрсөн жил нээлтээ хийхээр төлөвлөж байсан “Knock-Off” цуврал ч тодорхойгүй хугацаагаар хойшлогдсон юм.
