Австралийн уран бүтээлч Тэйм Импалагийн “Dracula” дууны “Blackpink” хамтлагийн гишүүн Женнитэй хамтарсан ремикс хувилбар “Billboard Hot 100” жагсаалтын 10 дугаар байрт бичигдэж, шилдэг аравт дахин багтлаа.
“Billboard”-оос зургаадугаар сарын 9-нд танилцуулсан урьдчилсан жагсаалтаар тус бүтээл өмнөх долоо хоногоос дөрвөн байр ахиж, шилдэг 10 дууны тоонд эргэн орсон байна.
“Dracula” дуу анх 2025 оны аравдугаар сард Тэйм Импалагийн бие даасан бүтээл хэлбэрээр цацагдаж байлаа. Харин энэ оны хоёрдугаар сард Женнигийн оролцсон ремикс хувилбар гарснаар богино хэмжээний видео платформууд дээр өргөн тархаж, тус дууны үзэлтийн амжилтыг дахин өсгөжээ.
Тус ремикс өнгөрсөн сард мөн “Hot 100” жагсаалтын 10 дугаар байрт хүрч байсан билээ. Тиймээс Женни “Blackpink” хамтлагаас “Billboard Hot 100” жагсаалтын эхний 10-т багтсан хоёр дахь гишүүн болж байна.
Үүнээс өмнө хамтлагийн Rose “APT” хит дуугаараа “Billboard Hot 100” жагсаалтын гуравдугаар байрт хүрэн хамгийн өндөр амжилтыг тогтоож байв. Женнигийн хувьд энэхүү амжилт нь түүний олон улсын хөгжмийн зах зээл дэх нөлөө, нэр хүнд улам өсөн нэмэгдэж байгааг харуулж байна.
