Дуучин Тейлор Свифт “Songwriters Hall of Fame” буюу дуу зохиогчдын алдрын танхимд албан ёсоор багтаж, энэ хүндэтгэлийг хүртсэн хамгийн залуу эмэгтэй уран бүтээлч боллоо.
Өдгөө 36 настай Америкийн дуучин, дуу зохиогч бүсгүй Нью-Йорк хотод болсон “Songwriters Hall of Fame”-ийн 55 дахь удаагийн ёслолын арга хэмжээний үеэр энэхүү нэр хүндтэй шагналыг хүртсэн байна.
Тэрбээр одоо энэхүү алдрын танхимд багтсан нийт уран бүтээлчдийн дундаас хамгийн залуу хоёр дахь гишүүн болж байна. Энэ жагсаалтыг Стиви Вондер тэргүүлдэг бөгөөд тэрбээр 1983 онд 32 настайдаа багтаж байжээ.
Дуу зохиогчдын алдрын танхимд нэр дэвших эрхийг уран бүтээлч анхны арилжааны дуугаа гаргаснаас хойш 20 жилийн дараа авах боломжтой байдаг. Тейлор Свифтийн хувьд энэ замнал 2006 оны зургаадугаар сард гаргасан “Tim McGraw” дуугаар эхэлсэн юм. Тухайн үед кантри ертөнцөд анхлан гарч ирж байсан залуу дуучин өнөөдөр дэлхийн хамгийн нөлөө бүхий дуу зохиогчдын нэг болон үнэлэгдэж байна.
