Шүүдэрхэн тунгалаг гэрэлт ододтой
Шөнөжин ирмэлцэж мөрөөдөж хоноод
Алиманхан сарны болорхон туяанд
Анхны болзоонд зогсмоор санагдана
Аяа миний арван найман нас
Ахиж ирэхгүй ч мөнхийн гэрэлтэй нас
Доторхон нууцлагхан гэгээн хүсэлдээ
Дотнохон танилхан царайг ургуулаад
Үүрээр түүнийхээ улаахан уруулаар
Үнсүүлж зүүдэлж сэрмэгцээ ичингүйрсэн
Мөрөөдлийн цэцэгтэй насныхаа
Нууцыг нь хэнд задалъя даа
