“Тайга” фестивалийг өнгөрсөн 2025 онд Хөвсгөл аймагт анх удаа амжилттай зохион байгуулсан. Мөн энэ оны долдугаар сарын 14-17-ны өдрүүдэд Хөвсгөл аймгийн Алаг-Эрдэнэ суманд хоёр дахь жилдээ зохион байгуулахаар төлөвлөөд байв.
Гэтэл Хөвсгөл аймгийн Засаг даргын Тамгын газраас тус аймгийн Онцгой байдлын газар, Цагдаагийн газар, Байгаль орчны газар, Эрүүл мэндийн газраас “Тайга” фестивальтай холбоотой хамтран ажиллах боломжгүй тухай мэдэгдэл гаргасан юм.
Дээрх асуудлаас үүдэн өнөө жилийн “Тайга” фестивалийн зохион байгуулах газрыг өөрчилж, Булган аймгийн Бугат сумын нутаг дэвсгэрт долдугаар сарын 14-17-ны өдрүүдэд зохион байгуулахаар болжээ.
“Тайга” фестивалийн талаар болон уран бүтээлчид болон тасалбарын мэдээллийг Taiga Festival албан ёсны хуудсаас авах боломжтой.
