Хуур хөгжмийн наадам Гачууртын “Монгол шилтгээн”-д энэ сарын 26, 27-нд болно.
10 жилийн ойгоо угтан хоёр өдрийн бүрэн хэмжээний фестивалийн форматад шилжсэн “Хуур” хөгжмийн наадамд 114 хамтлаг, уран бүтээлч оролцож, таван тайзнаа тасралтгүй уран бүтээлээ толилуулахаар төлөвлөжээ. Тодруулбал, дэлхийн томоохон хотуудад олон улсын хөгжмийн наадмаас хардаг байсан домог хамтлаг, уран бүтээлчид “Хуур” хөгжмийн наадмын тайзнаа нэгдэнэ. Алдарт “The Hu”, Монголын амьд хөгжмийн домог “Харанга”, “Хурд”, “Никитон”, “Нисванис” хамтлаг нэгэн тайзнаа гарч дуу хөгжмийн гайхамшгийг мэдрүүлэхээр бэлтгэлээ хангаж дуусжээ.
Зохион байгуулагчдаас энэ удаа “3 найзын багц” буюу хоёр тасалбарын үнээр гурвуулаа тасалбар авах боломжийг цөөн тоогоор санал болгож байгаа бөгөөд энэ нь 599 мянган төгрөгийн үнэтэй аж.
