BTS хамтлагийн 2020 онд гаргасан “Dynamite” дууны клип YouTube платформд 2.1 тэрбум үзэлт давж, тус хамтлагийн хамгийн өндөр үзэлттэй видео боллоо гэж “BigHit” агентлаг мэдээллээ.
“BigHit Music”-ийн мэдээлснээр, уг клип нь өмнө нь 2 тэрбум үзэлтийг давж, хамгийн богино хугацаанд 2.1 тэрбумд хүрлээ гэжээ.
“Dynamite” нь BTS хамтлагийн анхны англи хэл дээрх дуу бөгөөд өөдрөг, диско поп хэв маягтай уран бүтээл юм. Тус дуу нь мөн “Billboard Hot 100” чартыг тэргүүлж, к-поп хамтлагийн дуу анх удаа нэгдүгээр байрт орсон, нийт гурван долоо хоног тэргүүлсэн түүхэн амжилтыг үзүүлжээ.
Мөн уг уран бүтээл нь чартад нийт 32 долоо хоног байрласан нь к-поп уран бүтээлчдийн дундах хамгийн урт хугацааны амжилтуудын нэг болсон байна.
“Dynamite” дуу нь “Грэмми”-д нэр дэвшиж, 2020 оны “MTV Europe Music Awards” болон 2021 оны “Billboard Music Awards” зэрэг олон шагналд нэр дэвшсэн юм.
