1970-аад оны диско хамтлаг болох “Village People” хамтлагийн гоцлол дуучин Виктор Уиллис 74 насандаа таалал төгссөн тухай хамтлагийн албан ёсны цахим хуудсанд мэдэгджээ.
Мэдэгдэлд “Виктор 2026 оны зургаадугаар сарын 30-ны даваа гарагт хүнд өвчний улмаас таалал төгсөв. Хувийн нууцыг хадгалахыг хүсэж байна” гэжээ.
Ахлах сургуулийнхаа “The Ballads” хамтлагаас уран бүтээлийн гараагаа эхэлсэн Виктор Уиллис “Hair” хөгжмийн продакшнд тоглож, дараа нь “Two Gentlemen of Verona” болон “The Wiz” хамтлагуудын тоглолтуудад оролцож байв.
1977 онд тэрбээр Францын продюсер Жак Моралигийн дэмжлэгээр “The Village People” нэрээр дөрвөн дуутай демо цомгоо гаргаж, хамтлагаа байгуулжээ.
Тус хамтлаг “Cruisin” (1978), “Macho Man” 1978), “Live and Sleazy”, “Go West (1979) зэрэг цомог гаргасан бөгөөд “Billboard” сэтгүүл тус хамтлагийг “Өнөөгийн поп/диско жанрын хамгийн эсэргүүцэшгүй хэмнэлүүдийн нэг” гэж тодорхойлсон байдаг.
Виктор Уиллис 1979 онд хамтлагаасаа гарч, тус ондоо “Solo Man” бие даасан цомгоо бэлэн болгосон ч худалдаанд гаргаагүй. Тус цомог нь бүр 2015 онд худалдаанд гарч байв. Тэрбээр 2017 онд эргэн хамтлагтаа нэгдэж, 2025 оны нэгдүгээр сард Ерөнхийлөгч Дональд Трампын тангараг өргөх ёслолын өмнөх жагсаал дээр “YMCA” хамтлагтайгаа тоглолтоо толилуулсан юм.
”
