“New Girl” цувралын зохиолч, продюсер Лиз Мериуэтер поп од Бритни Спирсийн амьдралаас сэдэвлэсэн намтарчилсан киноны зохиол дээр ажиллаж байна. Уг төслийн найруулагчаар Жон М. Чу, продюсероор Марк Платт ажиллаж байгаа аж.
Уг киног Бритни Спирсийн 2023 онд гаргасан “The Woman in Me” дурсамж номоос сэдэвлэн бүтээж байгаа бөгөөд “Universal Pictures” компани 2024 онд уг номоор кино хийх эрхийг өрсөлдөөнтэй хэлцлийн үр дүнд авсан юм. Уг төслийн найруулагчаар Жон М.Чу, продюсероор Марк Платт ажиллаж байгаа аж.
Одоогоор кинонд Бритни Спирсийн дүрийг хэн бүтээх болон нээлтийн тов зэрэг дэлгэрэнгүй мэдээлэл албан ёсоор гараагүй байна.
Зохиолч Лиз Мериуэтер Бритни Спирсийн “The Woman in Me” дурсамж номыг хэд дахин уншиж, мөн жүжигчин Мишель Уильямсын уншсан аудио хувилбарыг нь ч хэд дахин сонсож байгаа аж. Мөн киноны үйл явдал өрнөх үеийн уур амьсгал, Бритнигийн карьерын онцлогийг илүү сайн мэдрэхийн тулд дуучны уран бүтээлийг тогтмол сонсож байгаа гэнэ.
