АНУ-ын ABC телевиз Жимми Киммелийн хөтөлдөг “Jimmy Kimmel Live!” шоуг 2027 онд дуусгана гэх мэдээллийг няцаалаа.
Энэ мэдээллийг “Page Six” есдүгээр сарын 8-нд нийтэлж, Киммелийн ABC-тэй байгуулсан гэрээ ирэх жилийн тавдугаар сард дууссаны дараа сунгагдахгүй бөгөөд шоуны 24 дэх улирал сүүлчийнх нь болж магадгүй гэж мэдээлсэн байна.
Харин “ABC Entertainment”-ийн төлөөлөгч уг мэдээллийг үгүйсгэжээ.
Киммел 2003 оноос хойш “Jimmy Kimmel Live!” шоуг хөтөлж байгаа бөгөөд энэ хугацаанд Америкийн оройн ток шоуны хамгийн удаан ажилласан хөтлөгчдийн нэг болсон юм. Түүний одоогийн гэрээ 2027 оны тавдугаар сар хүртэл үргэлжилнэ.
