Монгол Улс, БНХАУ-ын хооронд дипломат харилцаа тогтоосны 77 жилийн ойг тохиолдуулан “Хятад дуу-2026” уралдаан зохион байгууллаа. Тус уралдаанд Дорноговь аймгийн Замын-Үүд суманд болж, Дорнод, Сүхбаатар, Дорноговь, Өмнөговь, Дундговь аймгийн 44 хүүхэд оролцсон байна.
Уралдаанд хүүхдүүд хятад хэлээр дуу дуулах ур чадвараа сорьж, хөгжмийн мэдрэмж, тайзны соёл, өөрийгөө илэрхийлэх чадвараа харуулжээ. Уралдаанд “Тэнгэрийн тэмдэг” хүүхдийн театрын дуучин Б.Маралмаа дэд байр, М.Намуунаа гуравдугаар байр, Э.Цэрэнпунцаг тусгай байр эзэлжээ.
Энэхүү уралдаан нь хүүхдийн хөгжмийн авьяасыг хөгжүүлэхийн зэрэгцээ хятад хэл сурах сонирхлыг нэмэгдүүлэх, сурсан хэлээ хэрэглээ болгох, тайзны дадлага туршлага хуримтлуулах боломж олгож байна. Түүнчлэн хоёр орны хүүхэд, залуучуудын соёлын харилцааг өргөжүүлэхэд чиглэжээ.
Энэ жилийн “Хятад орныг танин мэдэх” Өвөр Монголын соёлын өдрүүдээр соёл, урлаг, аялал жуулчлал, кино, ном хэвлэл зэрэг чиглэлээр нийт 23 үйл ажиллагаа зохион байгуулжээ.
