Нисч яваа ном, давхиж яваа морины зурагтай алтан шар автобус Хэнтий нутгаар аялж явна. Тэрхүү зургийг дэлхийн хүүхэд бүхний үзэх дуртай Дисней-тэй хамтарч байсан нэрт зураач Мартин Су Монголын багачуудад зориулж урлан бүтээжээ.
Түүнийг хараад хүүхдийн зохиолч Жамбын Дашдондогийн “Морьтой Үлгэр” номыг санаж, Go Help олон улсын хүмүүнлэгийн байгууллага хүүхдэд зориулсан явуулын номын сан, мэдээллийн үйлчилгээний автобусаа түүгээр нэрлэсэн ажээ. Тийнхүү Монголын багачуудад оюуны хөрөнгө оруулах анхны аяллаа Чингис хааны төрсөн нутаг Хэнтий аймгаас эхэлж, хүүхдүүдэд ном уншуулахын зэрэгцээ эцэг эхчүүдэд нь СГЗ Ж. Дашдондогоор “Зөв монгол хүүхдийг номоор хөгжүүлэх боломж” лекцийг нь уншуулж явна.
www.URLAG.mn
