BTS хамтлагийн Жонгүг “YouTube Music”-т 500 саяас дээш сонсогдсон дөрвөн дуутай болсон анхны к-поп соло уран бүтээлчдийн нэг болж, шинэ амжилт тогтоолоо.
Шүтэн бишрэгч нарынхаа дунд “Golden Maknae” хэмээн алдаршсан Жонгүгийн “Standing Next to You” дуу “YouTube Music”-т 500 сая үзэлтийг давж, “Seven (feat. Latto)”, “3D (feat. Jack Harlow)” болон Charlie Puth-тэй хамтарсан “Left and Right” дуунуудын эгнээнд нэмэгдсэн байна.
“Standing Next to You” нь Жонгүгийн анхны соло цомог болох “Golden”-ы гол дуу бөгөөд “Billboard Hot 100” жагсаалтад тавдугаар байрт дебют хийж, “Billboard Global 200” болон “Global Excl. US” жагсаалтыг тэргүүлж байжээ. Мөн уг дуу “Spotify” дээр 1.5 тэрбум гаруй стриймтэй болоод байна.
Ингэснээр Жонгүгийн 500 саяас дээш сонсогдсон дууны тоо дөрөв болж, соло уран бүтээлчийн хувьд шинэ амжилтыг үзүүллээ.
