“Шинэ мэдлэг, шинэ хандлага, шинэ ирээдүй” уриатай “Шинэ цагийн малчин” реалити шоу нэвтрүүлгийн хөтлөгчөөр Гавьяат жүжигчин, дуучин Б.Батцэцэглэн ажиллажээ.
Монгол ардын богино болон уртын дууг өөрийн донж, хэв маягаар дуулдаг, уран бүтээлээ орчин цагийн өнгө аястай хослуулан туурвидгаараа онцлогтой дуучин бол Б.Батцэцэглэн. Тэрбээр 2013 онд Монгол Улсын гавьяат жүжигчин Б.Батболдын удирдлагад уртын дуучин мэргэжил эзэмшиж, өдгөө уран бүтээлээ тасралтгүй туурвиж буй. Багаасаа мэдэрч өссөн хөдөө тал, ардын болон уртын дууны гайхамшгийг хүмүүст мэдрүүлье, Монголынхоо давтагдашгүй энэ сайхан өв соёлыг өөрөөрөө дамжуулан бусдадаа түгээе гэсэн чин хүсэл нь түүнийг энэ мэргэжил рүү нь хөтөлсөн гэдэг.
“Шинэ цагийн малчин” реалити шоу нэвтрүүлэг аравдугаар сарын 4-нөөс эхлэн ням гараг бүр NTV болон “Малчин” телевизээр үзэгчдийн хүртээл болно.
