Жирийн нэг наалддаг туузыг жинхэнэ урлагийн бүтээл болгож хувиргадаг уран гартай энэ эрхэм бол Голландын стрит артист Макс Зорн / Max Zorn юм.
Амстердам хотын гудмуудаар түүний зурсан маш олон сонирхолтой зургууд бий. Гэвч эдгээр зургууд нь шөнө оройн цагаар хүмүүст үзэгдэх нь ховор байдаг байжээ. Тийм учраас гудамны гэрэлд тодрон харагддаг STREET ART хэрэгтэйг анзаарснаар ийнхүү скочоор бүтээл туурвих болсон байна.
Тэрбээр наалддаг туузыг дээр дээрээс нь нааж илүүдэл хэсгийг нь хутгаар зүсэж авах хэлбэрээр янз бүрийн өнгө сүүдрийг бий болгож эдгээр “гайхалтай” зургуудаа бүтээдэг юм.
Ингээд бэлэн болсон зургуудаа хотын гудманд гэрэлд ойр газар байрлуулдаг бөгөөд бүтээлүүд нь Герман, Их Британи, Испани, Португал, Франц, Голланд зэрэг оронд тавигдсан байдаг. Макс Зорн дэлхийн хотуудад өнгө үзэмж, урлагийн гоо сайхныг мэдрүүлэхийн тулд “Stick Together” төслийг санаачлаад байгаа ба энэ нь STREET ART бүтээлүүдийг улс орон даяар үнэгүй түгээх зорилготой юм.
Тэрбээр 2012 оны байдлаар 150 гаруй TAPE ART зураг бүтээсэн байсан ба зургуудыг нь шимтэн цуглуулагчид ч олон ажээ. Тухайлбал наалддаг туузаар урласан түүний нэг зураг хамгийн багадаа €300 байдаг бол вебсайтад нь тавигдсан хамгийн үнэтэй бүтээл нь €6000 евро = $7500 ам.доллар байсан билээ.
www.URLAG.mn
