Канадын алдарт дуучин Селин Дион Парисын загварын долоо хоногийн нээлтийн арга хэмжээний үеэр гэнэтийн тоглолт хийж, үзэгчдийг баярлууллаа.
Тэрбээр Эйфелийн цамхгийн дэргэд болсон “L’Oréal Paris”-ийн загварын шоуны төгсгөлд тайзан дээр гарч, 2002 онд гаргасан “I’m Alive” дуугаа дуулсан байна.
Өдгөө 58 настай дуучин хар хилэн даашинзаар гоёсон бөгөөд түүнийг тайзан дээр гарч ирэхэд үзэгчид нижигнэсэн алга ташилтаар угтжээ. Тоглолтын дараа жүжигчин Виола Дэвис, Ева Лонгория, Симон Эшли зэрэг “L’Oréal Paris”-ийн элч нар түүнтэй нэгдсэн байна.
Селин Дион 2022 онд ховор мэдрэлийн эмгэгтэй гэдгээ зарласнаас хойш уран бүтээлийн үйл ажиллагаагаа хэсэг хугацаанд завсарласан. Харин энэ есдүгээр сард Парист тоглолтоо хийж, тайзнаа эргэн ирсэн юм.
Түүний гэнэтийн тоглолт Парисын загварын долоо хоногийн хамгийн онцлох мөчүүдийн нэг боллоо.
