Дуучин Мэрайя Кэри өөрийн тоглосон “Glitter” кино нээлтээ хийсний 25 жилийн ойг тохиолдуулан 1.55 сая ам.долларын үнэтэй алмаазан зүүлт зүүж, баяраа тэмдэглэжээ. Тэрбээр есдүгээр сарын 30-нд Instagram хуудсандаа ойн баярт зориулсан шинэ бүтээгдэхүүнүүдээ танилцуулсан байна.
Кэригийн зүүсэн зүүлтийг “Leviev” брэнд урласан бөгөөд нийт 44.71 каратын лийр хэлбэртэй байгалийн алмаазыг 18 каратын цагаан алтанд суулгажээ. Үүний гол унжлага дангаараа 14 каратын алмаазтай бөгөөд үнэт эдлэлийн үнэ 1.55 сая ам.доллар болохыг тус брэнд мэдээлсэн байна.
Мөн дуучин “Glitter” киноны 25 жилийн ойд зориулсан шинэ мерч бүтээгдэхүүнүүдээ гаргажээ. Тус кино 2001 оны есдүгээр сарын 21-нд нээлтээ хийсэн бөгөөд Кэригийн амьдралаас сэдэвлэсэн бүтээл юм.
“Glitter” анх гарсан үедээ 5.3 сая ам.долларын дэлхийн орлого олсон ч сүүлийн жилүүдэд кино болон дууны цомгийг нь шүтэн бишрэгчид дахин үнэлэх болсон байна. 2018 онд өрнөсөн #JusticeForGlitter хөдөлгөөний дараа киноны дууны цомог iTunes-ийн шилдэг 10 цомгийн жагсаалтад багтсан юм.
