БНСУ-ын “Kairos Makers” компани болон Монголын “Номадиа пикчерс”-ийн хамтын бүтээл болох “Snow in June” уран сайхны киноны хэвлэлийн бага хурал боллоо.
Хэвлэлийн бага хуралд киноны ерөнхий найруулагч Ким Хён Хёп (Kim Hyung-hyup), гол дүрд тоглосон Өмнөд Солонгосын жүжигчин, дуучин Жон Жин Үн (Jeong Jinwoon) болон Улсын драмын эрдмийн театрын жүжигчин Ц.Цэлмэг нар оролцож, киноны уран бүтээл, зураг авалт болон хамтын ажиллагааны талаар мэдээлэл өгчээ.
Монгол, Өмнөд Солонгосын уран бүтээлчдийн хамтын ажиллагааны үр дүнд бүтсэн тус кино нь хоёр улсын кино урлагийн салбарын хамтын ажиллагааг өргөжүүлж буйгаараа онцлог юм.
“Snow in June” кино 2026 оны арваннэгдүгээр сарын 25-наас эхлэн БНСУ-ын кино театруудаар албан ёсоор үзэгчдийн хүртээл болохоор товлогджээ.
