Холливудын жүжигчин Мэтт Дэймон найруулагч Кристофер Ноланы “The Odyssey” буюу “Одиссей” кинонд гол дүр бүтээх санал авсан нь түүний амьдралынхаа турш хүлээж байсан боломж байсныг онцолжээ.
Тэрбээр энэ тухайгаа 2026 оны арваннэгдүгээр сарын 11-нд Лос-Анжелес хотын “TCL Chinese Theatre”-д болсон киноны тусгай үзвэрийн дараах ярилцлагын үеэр ярьсан байна. Уг арга хэмжээг жүжигчин Роберт Дауни Жуниор хөтөлжээ.
“Энэ бол миний бүх насаараа хүлээж байсан санал байсан” хэмээн Дэймон хэлсэн бөгөөд ийм хэмжээний бүтээлд гол дүр бүтээх боломж олдоно гэж өмнө нь төсөөлж байгаагүй гэдгээ мөн дурдсан байна. Тэрбээр Грекийн домогт баатар Одиссейн дүрийг бүтээсэн бөгөөд киноны зураг авалтын цар хүрээ, техникийн шийдэл нь жүжигчний олон арван жилийн карьертаа үзэж байгаагүй туршлага болсон гэжээ.
Гомерын эртний Грекийн алдарт туульсаас сэдэвлэсэн “The Odyssey” кино нь жүжигчин Мэтт Дэймон, найруулагч Кристофер Нолан нарын гурав дахь хамтын бүтээл юм. Тэд өмнө нь 2014 оны “Interstellar”, 2023 оны “Oppenheimer” кинонд хамтран ажиллаж байжээ.
“The Odyssey” кино 2026 оны долоодугаар сарын 17-нд кино театруудаар нээлтээ хийсэн бөгөөд арванхоёрдугаар сарын 11-нээс дахин дэлгэцнээ гарахаар болжээ.

